# أفضل استراتيجية تداول تتعلمها ( شرح كامل )

**Channel:** Zein Zaki Trading
**Source:** https://www.youtube.com/watch?v=Pt7BcuNBuQo
**Transcript page:** https://www.withtranscript.ai/video/Pt7BcuNBuQo

## Chapters

- 0:00 — لماذا تفشل الاستراتيجيات التقليدية
- 2:06 — مقارنة بين المدارس الثلاث
- 4:28 — المفاهيم المخفية وراء حركة السوق
- 8:52 — التداول عكس القطيع عمليًا
- 10:58 — النتيجة النهائية وخلاصة الفكرة

## Transcript

**[0:00]:** 99% سبب فشلك في التداول لحد دلوقتي إنك بتتداول أي استراتيجية من اللي قصادك دول. دي مش غلطة منك، دي غلطة الشخص اللي علمك. عشان كده في الفيديو ده أنا هعلمك طريقة تفكير إزاي تقدر تتداول عكس كل استراتيجيات التداول دي. مش جاي أقولك دي استراتيجية ضعيفة، دي استراتيجية أقوى، لأ. أنا هعلمك إزاي تتداول عكس كل الناس. لازم تفهم إن الفرق ما بين المتداول الناجح والفاشل مش اللي عرف أدوات أكتر، هو اللي بيعرف إزاي يستخدمها. وهو ده اللي هشرحه لك دلوقتي. في بداية شرح اللي أنت عارف من فيديوهاتي السابقة إن هي قوية جدًا وبتوصل المعلومة بفضل الله. عايزك تقول لي من المنظر اللي قصادك ده إحنا كده في ترند صاعد ولا هابط؟ وهندخل صفقات إيه؟ وقف الفيديو ثانيتين وقول لي الإجابة. لازم تكون متفاعل معايا عشان فعلًا توصل لهدفك من الفيديو. طيب، لو قلت ترند صاعد يبقى أنت كده قلت الإجابة المنطقية والصحيحة. إحنا فعلًا في ترند صاعد وبندور على إيه؟

**[0:54]:** أكيد منطقي بندور على صفقات شراء فقط. جميل جدًا، إحنا كده بنستخدم المنطق واللي هو من أهم الأدوات في التداول عمومًا. تعال بقى نشوف الأدوات اللي بيستخدموها استراتيجيات التداول المختلفة اللي قصادك دي ونشوف هيدخلوا صفقات فين. أول حاجة قول لي كده ده منطقة إيه؟ دي منطقة دعم. طب دي بتستخدمها في أنهي استراتيجية تداول من اللي قصادك دي؟ استراتيجية التداول الكلاسيكية. دي كده منطقة دعم. السوق عمل هبوط وده عمل فيك بريك أوت أو كسر كاذب وبعد كده صعدنا تاني. نزلنا، عملنا ري تيست لمنطقة الدعم دي وصعدنا تاني. بعد كده السوق هبط تاني. غالبًا غالبًا اللي بيشرحلك مدرسة التداول الكلاسيكية بيقولك دي كده أول رياكشن، ده تاني رياكشن. مع الرياكشن التالت ادخل صفقة. صح ولا لأ؟ دي معظم الناس اللي بتشرحهالك بيستخدموا الكونسيبت ده. فهيقولك دي منطقة دعم. مع الريتست التالت وإحنا في ترند صاعد. بس، كده نعمل إيه؟ كده ندخل صفقة شراء. يبقى كده أول مدرسة التحليل بتقولنا إيه؟

**[1:54]:** استراتيجية التداول الكلاسيكية بتقولنا ندخل صفقات شراء. ركز معي بالسيكونس اللي أنا بستخدمه ده وافهم أنا قصدي أوصل لك إيه. دي كده أول صفقة شراء باستخدام مدرسة التداول الكلاسيكية. كده احنا متفقين على ده.

**[2:06]:** طب تعال نشوف ثاني مدرسة التداول. تعال نشوف الـ إس إم سي بيقول لك إيه. أوردر بلوك الإكستريم صح؟ دائما بتسمع الجملة دي. ده أوردر بلوك الإكستريم اللي عمل إيه؟ اللي عمل لي بريك أوف استراكشر هنا. السوق هبط هنا أخذ إيه؟ أخذ الإنديوسمنت. فبعد أخذ الإنديوسمنت وبعد الوصول لأوردر بلوك الإكستريم السوق عمل إيه؟ السوق عمل لي تشوك. هما بيسموها كده. بعد ما عمل لي التشوك استنيت السوق ينزل ثاني بعد كده يصعد. ليه؟ عشان لسه ما فيش سيولة أخذناها. وهي مدرسة السمارت ماني قائمة على أخذ السيولة. مش بيكون كافي السيولة بتاعة الإنديوسمنت. بيحتاج سيولة ثانية عشان يعلي الاحتمال. لو لاحظت هنا إيه اللي حصل؟ السوق أخذ سيولة ثانية. فاحنا كده عملنا إيه؟ دبل ليكويديتي سويب. السوق هنا أخذ إنديوسمنت. عمل لي تشوك. السوق هبط ثاني. ما دخلتش. السوق صعد. هبط ثاني. عمل لي إنديوسمنت ثانية. السوق أخذها. صعد ثاني. عمل رياكشن من إيه؟ أوردر بلوك. فدي كده إيه؟

**[2:58]:** دي صفقة إيه بلس سيت أب. كل الأدوات اللي احنا استخدمناها دي واللي بتقول لنا ندخل صفقات شراء. ده بجانب إن احنا محللين السوق وشايفين إن احنا في ترند صاعد. فأكيد صفقات عالية الاحتمال هي هتكون في الاتجاه الصاعد. فدي صفقة ثانية بالنسبة لي كمتداول سمارت ماني. شايفها صفقة إيه بلس سيت أب. كده هنضيف صفقة ثانية. لو أي متداول سمارت ماني بيتفرج علينا هيدخل الصفقة دي وهيكون بالنسبة له إيه بلس سيت أب. آخر مدرسة تحليل معنا إيه؟ الآي سي تي. تعال نشوف كده السوق عمل إيه؟ السوق من القاعدة للقمة دي. نزل لمناطق إيه؟ مناطق الـ أو تي إيه. بعد الوصول لمناطق الـ أو تي إيه مش هنقول بقى ده تشوك. هنسميه ماركت استراكشر شيفت. هي مسميات بس نفس النتيجة. بعد حدوث الماركت استراكشر شيفت هنقول مش هندخل صفقتنا على طول. هنستنى السوق يصحح شوية ويصعد عشان نتأكد إن احنا في ترند صاعد. الأوردر بلوك الشرائي ده اتكون فين؟

**[3:44]:** في الديسكاونت. فأنت لما السوق هبط هنا وعايز تدخل صفقات. هل ده دخول صحيح؟ آه طبعًا. ده وصل لأوردر بلوك في الديسكاونت بعد أخذ السيولة بعد الوصول لمناطق الـ أو تي إي وكمان إحنا بداخل كيلزون لو بصيت تحت هتلاقي إن إحنا في جلسة نيويورك. أحد أهم العوامل اللي مدرسة الـ أي سي تي بتركز عليها هي التوقيت. فأنت هنا بتدخل صفقتك في جلسة نيويورك واللي هي من أهم الجلسات على مدار اليوم. كده إحنا ضفنا صفقة جديدة للمتداولين الـ أي سي تي وكده دي المفروض إي بلس سيت أب لكل متداول متعلم الثلاث مدارس لإن في بعض المتداولين فاكرين كل ما هيتعلم مدارس تحليل أكثر ويدمجهم كده هيكون معدل فوزه أعلى فبالتالي هيعمل فلوس أكثر. وأظن دي من أقوى الصفقات اللي أنت كمتداول بتدمج استراتيجيات مع بعض تقدر تدخلها.

**[4:28]:** تعال نشوف بقى النتيجة مع بعض وزي ما أنت شايف إيه ده؟ ده أنا خسرت. المتداول الكلاسيكي خسر، الـ إس إم سي خسر، الـ أي سي تي خسر. إزاي يا زين؟ هقولك عشان كلهم عارفين نفس الأدوات وكلهم بيستخدموها زي بعض. طيب يا زين أنا عرفت المشكلة بتاعتي واللي هي إن أنا بستخدم نفس الأدوات زي كل المتداولين اللي متعلمين نفس استراتيجية التداول بتاعتي. هقولك تعال نكمل بنفس طريقة الشرح دي لحد ما نوصل للحل مع بعض في الفيديو. تعال نشيل بس كل الرسومات دي ونبتدي من جديد. اللي أنت شايفه هنا هل إحنا لسه صاعدين ولا لأ؟ ما تستعجلش في الإجابة. أي حد يسألك السؤال ده لازم تعمل زوم أوت وتبص وتشوف. ليه السوق هنا هبط بالرغم إن باين جدا إن إحنا في ترند صاعد؟ هقولك هنا بقى نيجي لأول أداة كل الناس عارفاها بس مش كل الناس عارفين إزاي يستخدموها باختلاف. أداة البريميوم والديسكاونت. في مفهوم أنا شرحته واللي قلتلك إن أنا المؤسس ليه أي سي تي نفسه حتى ما شرحوش.

**[5:20]:** هو توازن الرينجات. بص هنا من القاعدة للقمة دي السوق عمل إيه؟ السوق هبط ما وصلش للديسكاونت. لو عملنا زوم إن السوق ما وصلش للديسكاونت وبعد كده عمل إيه؟ صعد. فأنا كده عندي رينج السوق ما وصلوش. السوق ما عملش توازن ليه؟ طب تعال نكمل بنفس الفكرة. هنا كده السوق عمل إيه؟ من القاعدة للقمة دي السوق فعلا نزل للديسكاونت وصعد. طب هنا؟ تعال نشوف السوق من القاع للقمة السوق عمل إيه؟ السوق هبط للديسكاونت. طب ليه لما صعد هنا ما وصلش للقمة دي وهبط وفشل الرينج؟ هقولك هنا بقى نيجي للمفتاح. السوق هبط هنا عشان نوصل لمستوى الـ 50% من الرينج اللي ما اتعملوش توازن. هتقولي طب ليه يا زين السوق هنا احترم الديسكونت وهنا ما احترمهوش؟ هقولك نيجي هنا لمفهوم الانديوسمنت اللي ما فيش حد في مدرسة السمارتماني بيستخدمه صح. السوق صعد تاني عشان يطمع كل المتداولين اللي طمعانين انهم يدخلوا صفقات مع الترند عشان يحققوا أكبر قدر من الاستفادة.

**[6:16]:** وعمالين يدخلوا صفقات شراء هنا والسوق سايبهم. ليه؟ عشان عمال يكون في سيولة. السوق ينزل يغتصبها ويوصل لمستوى الـ 50% وبعد كده ايه؟ نكمل في الترند الصاعد. وخلي بالك أنا لحد دلوقتي مش متأكد هل فعلا السوق بعد الوصول للانديوسمنت دي هيصعد تاني ولا ممكن يهبط تاني يعمل سحب سيولة آخر بعد كده نكمل صعود. أنا لسه ما اعرفش عشان كده كمل معايا الفيديو واعرف ازاي نقدر نستكشفها مع بعض. اللي عايزين نتفق عليه ان ده البريميوم والديسكونت بتاعنا اللي مختلف عن كل متداولين الاي سي تي انهم ما يعرفوش المفهوم ده. ونتفق برضه ان دي الانديوسمنت بتاعتنا اللي مختلفة عن كل متداولين السمارتماني عشان ما يعرفوش المفهوم ده. لاحظ ازاي ان احنا بنستخدم نفس الأدوات بتاعتهم بس بطريقة مختلفة خلت عندنا أفضلية عليهم أو إيدج. دلوقتي عندنا خيارين ما لهمش تالت. يا السوق خلاص يصعد من هنا أو يهبط. أنا مش عارف. هقولك هنا نيجي لمفهوم دورات السوق. شرحتهولك قبل كده وهراجعلك عليه دلوقتي.

**[7:13]:** هقولك لو السوق فعلا عاوز ينعكس مش هينفع يجمع هنا. لازم السوق يعمل انفجار ويعمل بعدها تجميع مش مشكلة. بس المهم بالنسبة لي ان دي كده ما تكونش بداية التجميع. دي تكون بداية الانعكاس. جاوب معايا وقولي ايه اللي انت شايفه هنا. هقولك ان حصل هنا انفجار بعد كده تجميع. هل ده معناه ان السوق ينفع ينعكس من هنا؟ هقولك لأ. طبقا لدورات السوق يا شباب ما ينفعش نعمل انعكاس من تجميع. ركز على النقطة دي عشان هنرجع ليها في نهاية الفيديو. هتقولي يا زين أنا لسه مش واثق، ازاي أقدر أحدد هل ده تجميع؟ طب ما هو ممكن يكون ده تصحيح والسوق هيكمل هبوط تاني. هقولك أنت عندك فعلاً حق. أنا مش هدخل صفقة هنا، ممكن السوق يعمل هنا إنعكاس عادي ويكون ده تجميع، تلاعب، توزيع تاني. فأنا مش هعمل زي متداولين ال ICT القطيع اللي هو عارفين مفهوم ال AMD. هيقولك ده تجميع فيلا بقى السوق لما يعمل تلاعب ندخل صفقاتنا لأن أنا مش عارف نهاية التلاعب ده إمتى.

**[8:08]:** فالخلاصة أنا هستنى أشوف السوق هيعمل هنا بقى الصورة وضحت أكتر. هنا السوق عمل تجميع بعد كده عمل تلاعب بعد كده التوزيع. وهنا فعلاً متداولين ال ICT المختلفين هيقولك النقطة دي. هيقولك إن أنت تقدر تتداول بإحتمالية أعلى مع إنتهاء التوزيع. معظم الناس بتقولك إزاي تدخل صفقات هنا مع التلاعب مع إن أنت ما تعرفش أصلاً هل التلاعب هينتهي هنا ولا لأ. هو بيقولك إن هين سايد. يعني إيه هين سايد؟ يعني بعد ما السوق إتحرك خلاص. أنا بقى بقولك لأ. أنا هستنى السوق. إيه ده؟ ده عمل توزيع بتاعه وعمل التلاعب وعمل التجميع. تحفة. أنا دلوقتي أقدر أدخل صفقات الشراء بتاعتي وأنا واثق. ليه؟ لأن دورات السوق معايا والبريميوم والدسكونت معايا. فدي كده مدرسة ال ICT ومعايا الإنديوسمنت بتاعتي. فدي مدرسة السمارت ماني.

**[8:52]:** ونقطة تانية عكس مدرسة الكلاسيك وهي إيه؟ هي القنوات السعرية. لو أنت ملاحظ هنا دي قناة سعرية هابطة. كل المتداولين الكلاسيكيين هيقولك إيه؟ هيقولك دي قناة هابطة. السوق وصل لقمة القناة. يلا بينا بقى ندخل صفقات بيع. عشان أوضحلك أكتر طريقة التداول بتاعتي واللي هي قائمة إن أنا بتداول عكس كل المتداولين. زي ما أنت شايف كده. أول حاجة إخترت القاع وقمة بريميوم ودسكونت عكس كل متداولين ال ICT لأن كلهم أول ما الرينج ده فشل والسوق هبط كده هيقولك بس إحنا خلاص ما بقيناش نحتاج من الرينجات الشرائية. كده إحنا غيرنا الإتجاه بتاعنا. كده متداولين ال ICT بقى خلاص برة اللعبة. وهنا عكس متداولين السمارت ماني هيقولك هنا كده كان فيه إنديوسمنت والسوق هنا وصل لإكستريم أوردر بلوك. السوق المفروض لما يصعد كده ويهبط ندخل صفقاتنا والسوق يكمل صعود. إيه ده؟ ده السوق هبط وفشل. يبقى إحنا كده غيرنا الاتجاه. وفي نقطة ثانية. في حاجة اسمها الفليب زون. متداولين السمارتماني عارفينها.

**[9:45]:** هيقولك إيه ده؟ بص دي منطقة طلب. السوق ما احترمهاش والسوق هبط كده. فمنطقة الطلب دي خلاص فشلت فبقت فليب زون. هنستخدمها كمناطق مقاومة. وفعلاً لما السوق صعد هو احترمها وهبط شوية ولكن ما هبطش الهبوط اللي أنت تقدر تستفيد منه. هو صعد تاني. لاحظ التفاصيل اللي أنا بشرحهالكم دي. فكده برضه متداولين السمارتماني بقوا برة اللعبة. فاضل متداولين الكلاسيكيين واللي هو أول ما السوق يوصل لهنا لأي متداول كلاسيكي هو حافظ. السوق وصل لهنا يبقى ابتدي أدور على صفقات بيع. أنا بقى عكسه. أنا هدور هنا على صفقات شراء. طيب يا زين هتدخل صفقات شراء فين؟ هقولك بالنسبة لي أنا كزين السوق وصل الديسكاونت حقيقي والسوق خد إنديوسمنت حقيقية والسوق عمل دورات سوق حقيقية. اللي هي الانفجار بعد كده التجميع بعد كده التلاعب. وقلنا السوق ما ينفعش يعمل انعكاس من تجميع. ففعلاً ده طلع تلاعب والسوق عمل توزيع لأعلى أو انفجار سميه زي ما تسميه. كده أنا أقدر أدخل صفقتي من أي منطقة منطقية أدخل منها زي مثلاً البريكر بلوك ده.

**[10:39]:** أو عندي هنا فير فاليو جاب. أقدر أدخل منه والصفقة بتاعتي وقف الخسارة بتاعها هيكون فين؟ هيكون عند القاع ده. ليه يا زين؟ هقولك إن إحنا هنا عملنا تلاعب. منطقي لو إحنا فعلاً صاعدين القاع ده المفروض يكون بروتكتد محمي. السوق ما يوصلوش تاني. ولو وصله ما فيش مشكلة. يبقى أنا كده التحيز بتاعي غلط من الأول. والهدف بتاعي هخليه واحد لأربعة فيكسد. يعني ثابت.

**[10:58]:** وتعالى نشوف النتيجة بتاعة شغلنا اللي عملناه واللي تعبنا فيه واللي قائم على إن إحنا بندخل صفقات عكس كل المتداولين. إيه اللي حصل؟ فعلاً السوق وصل للهدف بتاعنا. أنت هنا دخلت صفقة عكس متداولين الآي سي تي. عكس متداولين السمارتماني. عكس متداولين الكلاسيكيين. واللي هم أكثر متداولين شائعين في السوق. وفي نقطة هنا مش أي حد يقدر يلاحظها. وفعلاً لو أنت ركزت فيها هتقدر تعرف إن السوق ده مش بيتحرك بشكل عشوائي. بص السوق هنا. هو ليه السوق هبط أول ما وصل للمستوى ده صعد؟ ده مش بيحصل بشكل عشوائي. قلتلك مفهوم توازن الرينجات ده قوي جداً وفعلاً ده مفتاح السوق. السوق هبط هنا عشان قلتلك في رينج السوق ما عملوش توازن. أول ما يوصله السوق صعد. فهو ده الأوبجيكتيف بتاع السوق. السوق ساب كل ده وهبط عشان عنده رينج السوق ما عملوش توازن. لازم تفهم كل حاجة في الشارت بتحصل ليه وإزاي. ودي أحد أهم خوارزمات السوق اللي أنت لازم تتقنه.

**[11:53]:** لازم تتقنوه يا شباب أسلوب التداول ده القائم إن أنت بتتداول عكس كل القطيع. كلاسيكيين، سمارت ماني، آي سي تي، كلهم بينقلوا من بعض. عارفين نفس الأدوات وبيرددوها وبيستخدموها زي بعض. عشان كده مافيش حد عنده إيدج. أتمنى تكون استفدت فعلاً من الفيديو ده وعرفت أنقلك طريقة تفكيري. ما تنساش تشترك في القناة عشان تتابع الفيديوهات الجاية. ولو عايز تنضم للكورس الخاص وأتابع معاك بشكل شخصي، هتلاقيني سايبلك لينك في وصف الفيديو بيعرفك كل التفاصيل. والسلام عليكم.